Әскери оқу орнында Мәлік Ғабдуллинге арналған ескерткіш бұрышы ашылды

Ұлттық қорғаныс университетінің әскери-гуманитарлық ғылымдар факультетіне Кеңес Одағының батыры Мәлік Ғабдуллин есімі берілді. Сол күні ардагердің құрметіне ескерткіш бұрышы ашылды.

Аталған шара жазушы, профессор, КСРО Педагогика ғылымдары академиясының нақты мүшесі, Кеңес Одағының батыры Мәлік Ғабдуллиннің 105 жылдығы құрметіне арналды. Оған оқу орнының профессорлық-оқытушылық құрамы мен тыңдаушылары қатысты.
«Мәлік Ғабдуллинге арналған ескерткіш бұрышының ашылуы мен оған жоғары оқу орнынан факультеттің атауы берілуі үлкен құрмет пен жауапкершілік», - деп Ұлттық қорғаныс университетінің бастығы генерал-лейтенант Сұлтан Қамалетдинов атап өтті.
Мәлік Ғабдуллин Ұлы Отан соғысына генерал-майор И. Панфилов атындағы 8-ші гвардиялық атқыштар дивизиясының құрамында қатысқан болатын. 1942 жылы Новгород облысындағы ұрыста сарбаздар тобын басқарды.
Жаумен шайқаста олардың санының басымдығына қарамастан, немістің екі танкін гранатпен жарып, көптеген жау әскерін жойды және 12 жауды тұтқынға алды. Мәлік Ғабдуллин жараланса да, шайқасты тастап кетпеді. Аға тәрбиеші Мәлік Ғабдуллинге осы ерлігі үшін Кеңес Одағының батыры атағымен бірге «Ленин» ордені және «Алтын жұлдыз» медалі табыс етілді.
Батырдың есімі орталық көшелер мен мектептерге берілген. 1995 жылы Тұңғыш Президент Нұрсұлтан Әбішұлы Назарбаевтың қатысуымен Көкшетау қаласында Мәлік Ғабдуллиннің еліміздегі алғашқы мұражайы ашылған болатын.

Мәлік Ғабдуллин (15.11.1915, Көкшетау облысы, Зеренді ауданы, —2.01.1973, Алматы) — қазақ жазушысы, әдебиет зерттеуші, қоғам қайраткері, филология ғылымдарының докторы (1959), профессор (1959), КСРО Педагогика ғылым академиясының академигі (1959), Кеңес Одағының Батыры (1943). Қазақ КСР-інің еңбек сіңірген ғылым қайраткері (1961).
Кедей шаруа отбасында туған. М.Ғабдуллин 1935 жылы Қазақтың Абай атындағы мемлекеттік педагогикалық институтын бітірген. 1936 ж. әскер қатарына барып, әскери борышын өтеп қайтқаннан кейін осы институттың аспирантурасында оқыды.

Көшірмеге қайта келу

Жүгіртпе / Лента

Габионы - быстровозводимые защитные сооружения военного предназначения

Габионы - быстровозводимые защитные сооружения военного предназначения

120-мм 2Б11 тасымалы мина атқышы

120-мм 2Б11 тасымалы мина атқышы