Жергілікті полиция хабарлағандай, президент Режеп Тайып Ердоғанның жақтастары шеру өткізіп жатқан алаңға жақын маңда жарылғыш құрылғы іске қосылған. Сондай-ақ құзырлы орган өкілдері бомбаның қолдан жасалғанын айтады. Шабуылды әзірге ешбір лаңкестік ұйым өз мойнына алған жоқ. Тергеу басталды.
Естеріңізге сала кетейік, Түркияда шілденің 15-сінен 16-сына қараған түні көтерілісшілер мемлекеттік төңкеріс әрекетін жасаған еді. Бүлік салдарынан 246 адам ажал құшып, 2 мыңнан астамы жараланды. Осы оқиғадан кейін жергілікті азаматтар бүкіл ел аумағында «Демократияны қорғау» деген ұранмен наразылық шерулерін ұйымдастырған.
