Түркияда әскери оқу орындары жабылып, Ұлттық қорғаныс университеті ашылады.
Бұл туралы Түркия президенті Режеп Тайып Ердоған мәлімдеді. АТV-A Haber арнасына сұхбат берген Р.Т.Ердоған елдің әскери саласындағы жаңа реформалары жайлы айтты. Бұдан былай барлық әскери басшылардың, әскербасылардың Ұлттық Қорғаныс министрлігіне емес, тікелей қорғаныс министрінің өзіне қарайтынын, ал Бас штабтың президентке бағынатындығын және күллі әскери госпитальдер Денсаулық министрлігіне қарайтынын мәлімдеді.
