«Ирак пен Левант лаңкестік тобы» мен «Талибан» экстремистік қозғалысы Ауғанстан әскеріне қарсы бірлесе күресу үшін бейбіт бітім жасасты.
Бұл шарт бейресми түрде келісілген. Бұған дейін аталған радикалды ұйымдар бір-бірімен үнемі қырылысып келген еді. Олардың арасындағы алауыздықты үкімет әскері мен АҚШ бастаған халықаралық коалиция өз мүддесіне сай пайдаланып, оларға шабуылды күшейтіп, тықсыра бастаған. Бірақ ауған командирлерінің мәлімдеуінше, қарсылас топтар 2 ай бұрын өзара қырқысуды доғарған. Сарапшылар жасалған бейбіт бітімнің кез келген уақытта бұзылуы мүмкін екенін ескертеді.