Әзірбайжанның Ширван қаласында Қорғаныс министрлігінің өнеркәсіптік зауытында жойқын жарылыс болды. Бұл туралы Vesti.az хабарлайды.
Оқиға орнында өрт басталған. Ақпарат көзінің хабарлауынша, зардап шеккендер туралы мәлімет әлі түскен жоқ. Куәгерлердің айтуынша, қойма учаскелерінде әлі де жарылыстар болып жатыр. Сондай-ақ куәгерлер көптеген жараланғандар бар екенін хабарлайды. Зауыт аумағының көп бөлігі өртке оранған. Қазіргі уақытта оқиға орнына жедел жәрдем мен өртсөндірушілер жетті.
