Атмосфералық фронтальды бөліктердің өтуіне байланысты републиканың батысында, оңтүстік-шығыста, шығыста және орталықта жаңбыр жауып, найзағай сақталады, екпінді жел соғады, күндіз шығыста бұршақ болуы ықтимал.
Кей жерлерде тұман күтіледі, деп хабарлайды Қазгидромет.
Тек республиканың солтүстігінде, солтүстік-батысында және оңтүстігінде жауын-шашынсыз ауа-райы болады.
Алматы, Жамбыл, Оңтүстік Қазақстан облыстарының кей жерлерде жел 15-20 м/с күшеюі күтіледі.
Шығыс Қазақстан облысының кей жерлерінде түнде және таңертең тұман түседі, күндіз желдің екпіні 15-20 м/с жетеді, бұршақ жаууы ықтимал.
Павлодар, Қарағанды облыстарының кей жерлерінде тұман болады.
Күндіз Атырау, Батыс Қазақстан облыстарында, Маңғыстау, Ақтөбе, Қостанай облыстарының кей жерлерінде аптап ыстық күтілуде.
Қызылорда, Оңтүстік Қазақстан, Жамбыл облыстарының кей жерлерінде өте жоғары өрт қаупі сақталады.
