Қарулы Күштердің әскери-ғылыми әлеуетін дамыту бойынша Жоғарғы Бас қолбасшының тапсырмасын орындау шеңберінде әскери ведомство басшысының жетекшілік етуімен қорғаныс зерттеулері бойынша кеңестің алғашқы отырысы өткізілді.
Отырыстың негізгі мақсаты қорғаныс зерттеулері бойынша кеңестің жұмыс жоспарын айқындау, Қорғаныс министрлігінің, Бас штабы мен ҚР Қарулы Күштерінің құрылымдық бөлімшелерінен келіп түскен өтінімдерді бірлесіп талқылау, қорғаныс пен әскери қауіпсіздік саласында зерттеулер бойынша егжей-тегжейлі қарау және шешім қабылдау болып табылады. Отырыс қорытындысы бойынша қатысушылар қорғаныс зерттеулерін, ғылыми-зерттеу және тәжірибе-құрастыру жұмыстарын іске асыру жөнінде бірқатар шешім қабылдады. Қорғаныс зерттеулері бойынша кеңестің әрі қарайғы жұмысы әскери ведомствоның басымдық, мақсатты және инновациялық технологиялары бөлігінде стратегиялық қорғаныс бастамаларын айқындайтынын айта кету қажет.