БАСПАСӨЗ БАЯНЫ
«Қазақстан Республикасы Қарулы Күштерінің Ұлттық әскери-патриоттық орталығы ақылы негізде көрсететін қызметтердің тарифтерін бекіту туралы» Қорғаныс министрінің 2017 жылғы 28 қыркүйектегі № 552 бұйрығына толықтырылулар енгізіледі.
Көрсетілетін ақылы қызметтер тізіміне бірлескен іс-шаралар өткізу үшін концерт залын ұсыну бойынша қызметтер енгізілді.
«Қазақстан Республикасының қорғанысы және Қарулы Күштері туралы» ҚР Заңының 24-бабының 2-тармағына сәйкес Қарулы Күштердің мәдениет саласында маманданған мемлекеттік мекемелері өздерінің жарғылық мақсаттарына сәйкес келетін және олардың негізгі қызметіне жатпайтын қызметтер көрсетуге құқылы.
Мұндай қызметтерді сатудан түскен кірістер бюджет заңнамасына сәйкес мемлекеттік бюджетке есептелуге жатады.