Қазақстандағы С-300 зениттік зымыран кешендерінің саны тағы бесеуге көбейді.
Бұл жөнінде Қазақстан Қорғаныс министрі Иманғали Тасмағамбетов пен Ресейдің Қорғаныс министрі Сергей Шойгу арасындағы кездесуде белгілі болды. Аталған кешен әскери-техникалық ынтымақтастық шеңберінде қос ел президенттерінің уағдаластығы негізінде берілді. Жалпы С-300 зениттік-зымыран кешені шағын және төмен ұшатын нысандарды жоюға арналған. Жаңа қару еліміздің әуе кеңістігін күзету мен қорғау үшін әскери бөлімдерге тапсырылатын болады. Бұған қоса Ресей тарапы осы кешендерге 170-тен аса зениттік зымыранды тапсыру жөнінде процедураны рәсімдеуді аяқтауда.
