Өскемен гарнизоны 27943 әскери бөліміндегі көп балалы әскери қызметшілерге, мүмкіндігі шектеулі балаларға, жалғыз басты аналарға «Өскемен титан-магний комбинаты» АҚ мен «Қазцинк» ЖШС биыл да қолдау көрсетті
Әскери қызметшілердің балаларына «Мектепке жол» қайырымдылық акциясының шеңберінде рюкзактар, дәптерлер, қалам-қарындаштар, сурет альбомдары мен түрлі-түсті қағаздар таратылды. Мәселен, «Қазцинк» ЖШС мүмкіндігі шектеулі 13 балаға рюкзак, «Өскемен титан-магний комбинаты» АҚ көп балалы және жалғыз басты ата-аналардың отбасыларына жалпы құны 500 000 теңгенің 41 жиынтығын сыйлады. Ата-аналар қауымы бөлім қолбасшылығының қолдауы мен қамқорлығы үшін алғыстарын жаудырды. Сондай-ақ, «Өскемен титан-магний комбинаты» АҚ мен «Қазцинк» ЖШС басшылығына және ШҚО мәслихатының депутаты Әсем Мамутоваға балалардың жанына жылылық ұялатқаны үшін ілтипаттарын білдірді.
