Екі мәрте Кеңес Одағының батыры Талғат Бигелдинов атындағы Әуе қорғанысы күштері әскери институтын офицерлер бітіріп шықты.
Салтанатты шара Ақтөбе қаласындағы Тұңғыш Президент саябағында өтті. Дәстүр бойынша алаңға оқу орнының жауынгерлік туын «Сағадат» маршымен алып жүрді.
– Биыл оқу орында ұшқыш және инженер мамандығы бойынша 64 офицер білім алып шықты. Оның ішінде Қырғызстаннан келген 3 түлек бар. Мамандар жан-жақты даярлықтан өтті. Олар ұшақты басқарып, ұшу аппараттарының жүйелерін пайдалану негіздері мен әуеде ұрыс жүргізу тактикасын меңгерді, – деп атап өтті Әуе қорғанысы күштері Әскери институтының бастығы авиация генерал-майоры Дәурен Қосанов.
Салтанатты шараға Ақтөбе облысы әкімінің орынбасары Руслан Қамбаров қатысты. Ол шараға қатысушыларды айтулы мерекемен құттықтап, институттың үздік түлегі лейтенант Артем Немичке диплом табыс етті.
Дәстүр бойынша іс-шара алғашқы офицер вальсімен және «тиын жаудыру» салтанатты маршпен аяқталды.
– Оқу кезінде институт өз үйіміздей болды. Білім нәрімен сусындадық. Алайда, алған білім мұнымен тоқтап қалмайды деп ойлаймын. «Ұшқыш болу – ұдайы оқу мен алған біліміңді жетілдіру» деп үнемі оқытушыларымыз айтатын. Мен мамандығымды мақтан етемін, – деп өз әсерімен бөлісті лейтенант Алекс Жұмағұлов.
Әуе қорғанысы күштерінің Әскери институты 11 мамандық бойынша майдандық, әскери-көліктік, армиялық авиация ұшқыштары мен инженерлерін дайындайды. Осы уақытқа дейін қызмет еткен жылдары ЖОО-ның қабырғасын Қазақстанның әуе шебін қорғап жүрген үш мыңнан астам түлек бітіріп шықты.
– Биыл оқу орында ұшқыш және инженер мамандығы бойынша 64 офицер білім алып шықты. Оның ішінде Қырғызстаннан келген 3 түлек бар. Мамандар жан-жақты даярлықтан өтті. Олар ұшақты басқарып, ұшу аппараттарының жүйелерін пайдалану негіздері мен әуеде ұрыс жүргізу тактикасын меңгерді, – деп атап өтті Әуе қорғанысы күштері Әскери институтының бастығы авиация генерал-майоры Дәурен Қосанов.
Салтанатты шараға Ақтөбе облысы әкімінің орынбасары Руслан Қамбаров қатысты. Ол шараға қатысушыларды айтулы мерекемен құттықтап, институттың үздік түлегі лейтенант Артем Немичке диплом табыс етті.
Дәстүр бойынша іс-шара алғашқы офицер вальсімен және «тиын жаудыру» салтанатты маршпен аяқталды.
– Оқу кезінде институт өз үйіміздей болды. Білім нәрімен сусындадық. Алайда, алған білім мұнымен тоқтап қалмайды деп ойлаймын. «Ұшқыш болу – ұдайы оқу мен алған біліміңді жетілдіру» деп үнемі оқытушыларымыз айтатын. Мен мамандығымды мақтан етемін, – деп өз әсерімен бөлісті лейтенант Алекс Жұмағұлов.
Әуе қорғанысы күштерінің Әскери институты 11 мамандық бойынша майдандық, әскери-көліктік, армиялық авиация ұшқыштары мен инженерлерін дайындайды. Осы уақытқа дейін қызмет еткен жылдары ЖОО-ның қабырғасын Қазақстанның әуе шебін қорғап жүрген үш мыңнан астам түлек бітіріп шықты.
