Лаңкестік әрекеттер қаупінің артуына байланысты Лондонды тағы қосымша 600 қарулы полицей күзететін болды.
Бірақ билік өкілдерінің айтуынша, нақты қатер туралы мәлімет жоқ. Бұл шараны қолға алуға соңғы кездері Еуропа елдеріндегі шабуылдар түрткі болған. Британия астанасының туристік көрнекі орындары мен адам көп жиналатын кейбір аудандарындағы күзет 24 сағат бойына жүргізілмек. Жергілікті ақпарат құралдарының хабарлауынша, қазір британ барлаушылары Корольдікте лаңкестік әрекет ұйымдастыруға байланысты 4 оқиғаны тергеп жатыр.
