Рио олимпиадасының алауы тұтанар салтанатты сәтке аз ғана күн қалды. Ұлттық штаттық командалар және спорттық резерв дирекциясының ресми мәліметіне сүйенсек, бүгінге дейін Қазақстан спортшылары спорттың 26 түрінен 104 жолдама ұтып алған.
Осы жолдамаларға иелік еткен барлық спортшыларымыз төрт жылда бір өтетін басты додаға барынша қызу дайындалып жатыр. Айта кетейік, алда бір-екі жолдама болып қалуы мүмкін. Себебі, жеңіл атлетикадан әлі де іріктеу ойындары өтіп жатыр.
