Жастарды отансүйгіштікке тәрбиелеу ісі

Жастарды отансүйгіштікке тәрбиелеу ісі

Қазақ гуманитарлық заң университеті әскери кафедрасының студенттері Астана қаласында орналасқан мектептерде, жастарды әскери-патриоттық тәрбиелеуге бағытталған іс-шаралар өткізуде. Соның бірі – Қарулы Күштердің құрылған күні мен Ұлы Жеңіс күні қарсаңындағы «Ерлік сабақтары».

Білім беру ұйымдарының әкімшілігімен бірлесе ұйымдастырылып, өткізіліп жатқан бұл іс-шараларда университеттің әскери кафедрасында оқитын студенттер мектеп оқушыларына Қазақстан Республикасының Қарулы Күштері, әскери қызмет және жауынгерлік дәстүр туралы маңызды ақпараттар беріп, жастарды аға буынның сұрапыл соғыс жылдарында көрсеткен ерліктерін ешқашан ұмытпауға, жылдан жылға қатары азайып бара жатқан ардагерлерге құрмет көрсетуге шақырды.

Сондай-ақ № 45 және № 24 мектептерінің 10-11 сынып оқушыларына Әскери кафедраның студенттері Айдос Туғанбаев, Бақдәулет Кенжетай, Арлан Алмасұлы және Екатерина Захарчук Калашниковтың автоматын (АК-74), қол оқшашары (РПК) мен оқшашарын (ПК) және Драгуновтың көздеуіш мылтығын (СВД) уақытқа бөлшектеп, оны қайта жинақтап ату қаруларын жақсы игергендерін көрсетті. Кеш барысында белсенділік танытып, Қарулы Күштер туралы біліктіліктерін көрсеткен оқушыларға атыс қаруларын бөлшектеу мен жинақтауға мүмкіндіктер берілді. Студенттер оқушылар қойған сұрақтарға тиянақты жауаптар берді.

Сәуір айының соңына дейін университет студенттерімен «Ерлік сабақтары» Астана қаласының тағы 8 мектебінде өткізу жоспарланған.

 

 

Меруерт Шонова


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

История развития органов воспитательной и идеологической работы ВС РК

История развития органов воспитательной и идеологической работы ВС РК