Алматыдағы террорлық қауіптіліктің «қызыл» деңгейі жарияланғанына байланысты Қорғаныс күштерінің әскери бөлімшелері мен мекемелері күшейтілген жұмыс тәртібіне көшірілді.
Бұл туралы Қорғаныс министрлігі хабарлап отыр. Сондай-ақ, қару-жарақ пен ату жарақтарын сақтау нысандарына да бақылау күшейтілді. Ал, әлеуметтік желілер арқылы тараған Қапшағайдағы әскери бөлімшеге шабуыл жасалынды деген қауесетті ведомство өкілдері теріске шығарып отыр.
