«Шығыс» өңірлік қолбасшылығы 32388 әскери бөлімінің жеке құрамы Ұлы Отан соғысының ардагері Елена Митрофанованы Наурыз мерекесімен қатар келген туған күнімен құттықтады. Ұлыстың ұлы күні қарсаңында қарт ана 95 жасқа толды.
Әскери бөлімнің қолбасшылығы атынан әскери қызметшілердің отбасы
мүшелерімен жұмысты ұйымдастыру жөніндегі қызмет өкілдерімен бірге жөндеу-қалпына
келтіру батальонының сержанты старшина Әділет Серікқазы ардагерді құттықтады.
Бөлім командирі полковник В.Е.Филипповтың құттықтау хатын табыс етті. 1923 жылы
17 наурызда дүниеге келген Елена Иосифовна оқ пен от кешіп, талай қырғынды
басынан кешірген қария. Ол туған күнімен құттықтап келген әскери қызметшілерге алғысын
жаудырып, аналық батасын берді.
