Dostyq qarym-qatynas nyǵaıa túsedi

Memleket basshysy Koreıa Respýblıkasynyń Syrtqy ister mınıstri Kan Gıon Hvamen kezdesti.

Kezdesý barysynda taraptar yntymaqtastyqtyń ózekti máselelerin jáne eki el arasyndaǵy saýda-ekonomıkalyq qarym-qatynastardyń damý perspektıvalaryn talqylady.

Nursultan Nazarbaev Koreıa Respýblıkasynyń Syrtqy ister mınıstrine iltıpat bildirip, ekijaqty baılanystardyń senimdi sıpatqa ıe bolyp otyrǵanyn atap ótti.

– Astana men Seýl arasynda senimge negizdelgen dostyq qatynas ornap, ekonomıkalyq yntymaqtastyq qarqyndy damyp keledi. Ekonomıkalyq jáne gýmanıtarlyq ózara yqpaldastyqtyń kóptegen máseleleri sheshimin tabýda. Sizderdiń Ortalyq Azıada júrgizip jatqan belsendi jumystaryńyzdy qoldaımyz, – dedi Qazaqstan Prezıdenti.

Koreıa Respýblıkasynyń Syrtqy ister mınıstri kezdesýge múmkindik bergeni úshin rızashylyq bildirip, Qazaqstan astanasynan alǵan áseri jóninde aıtty.

– Bul – Qazaqstanǵa jáne Astanaǵa jasaǵan alǵashqy saparym. Men úshin saparymnyń elordalaryńyzdyń 20 jyldyǵyn merekeleý qarsańynda ótýiniń máni zor. Osy kezeń ishinde Astana damýdyń úlken jolynan ótkenine tánti boldym, – dedi Kan Gıon Hva.

Kezdesýde syrtqy ister vedomstvosynyń basshysy Qazaqstan Prezıdenti Nursultan Nazarbaevqa Koreıa Respýblıkasynyń Prezıdenti Mýn Chje Inniń ystyq yqylasyn jetkizdi.

– Prezıdent Mýn Chje In 25 jyl ishinde elderimiz arasynda qalyptasqan berik negizge súıene otyryp, yqtymaqtastyǵymyzdy odan ári damytýǵa jáne nyǵaıta túsýge nıetti, – dedi Kan Gıon Hva.

 

 

 


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Итоги конкурсов АрМИ-2018 на территории Казахстана

Итоги конкурсов АрМИ-2018 на территории Казахстана