AQORDA

AQORDA

Memleket basshysy keńes áskerleriniń Aýǵanstannan shyǵarylǵanyna 30 jyl tolý qarsańynda ótkizilgen bul kezdesýdiń sımvoldyq máni bar ekenin atap ótip, sol eldegi áskerı is-qımyldarǵa qatysqan azamattar men ardagerlerdi aıtýly kúnmen quttyqtady.

Sondaı-aq, Elbasy aýǵan soǵysynyń ardageri, Qazaqstan Respýblıkasy Qarýly Kúshteriniń polkovnıgi Borıs Kerimbaevtyń qaıtys bolýyna baılanysty onyń týǵan-týysqandaryna kóńil aıtty.

Baqytbek Smaǵul Nursultan Nazarbaevqa «Qazaqstan ardagerleri» Aýǵanstandaǵy soǵys ardagerleri uıymdarynyń qaýymdastyǵy tarapynan atqarylǵan jumystar men keńes áskerleriniń Aýǵanstannan shyǵarylǵanyna 30 jyl tolýyna oraı ótkizilip jatqan is-sharalar týraly málimdedi.      

 

 

***

 

Nursultan Nazarbaev kezdesýde «Qazaqstandaǵy 100 jańa esim» jobanyń ekinshi kezeńine qatysýshylardyń jetistikterimen tanysty.

Memleket basshysy sóılegen sózinde Qazaqstannyń memlekettiligi men egemendigin nyǵaıtý jolynda jastarymyzdyń áleýetin paıdalanýdyń mańyzdy ekenin atap ótti.  

– Bárińiz de – táýelsizdiktiń perzentisizder. Biz – babalarymyzdyń armanyn júzege asyrǵan urpaqpyz. Endi sizderdiń ýaqyttaryńyz keldi. Muny umytpaýǵa tıissizder, – dedi Nursultan Nazarbaev.

Elbasy táýelsiz Qazaqstannyń qalyptasý tarıhyna toqtalyp, jastar úshin ashylǵan múmkindikter týraly áńgimeledi.  

Qazaqstan Prezıdenti elimizdiń bilim jáne ǵylym salasynyń damý qarqynyn saqtaýdyń ári ony eseleı túsýdiń mańyzdylyǵy týraly aıtty.

– Jasandy ıntellekt, aqparattyq tehnologııalar, bıoınjenerııa, nanotehnologııa – osy ınnovatsııanyń bári bizdi alǵa jeteleıdi. Sondyqtan biz startap jobalary úshin EKSPO pavılondarynyń birinde jańa zerthanalar ashtyq, – dedi Memleket basshysy.

Elbasy jobaǵa qatysýshylardyń jetistikterine toqtalyp, jastardyń tulǵalyq jáne kásibı turǵydan ósýi úshin óz múmkindikteri men ýaqytyn tıimdi paıdalanýdyń mańyzdy ekenin atap ótti.

– Bári de adam men onyń erik-jigerine baılanysty. Biz armandaı bilýge jáne kózdegen maqsatymyzǵa jetý úshin áreket etýge tıispiz. Bul baıqaýǵa qatysýshylar – óskeleń urpaq úshin úlgi-ónege. Sizder óz eńbekterińizdiń nátıjeleri arqyly bul ómirde bárine de qol jetkizýge bolatynyn kórsettińizder, – dedi Nursultan Nazarbaev.

Memleket basshysy ulttyq ekonomıkany damytý jáne ósimniń jańa kózderin ashý úshin qabyldanyp jatqan sharalarǵa toqtaldy.

– Eger biz paıdaly qazbalarǵa úmit artatyn bolsaq, onda qarajatsyz qalamyz. Sondyqtan, ekonomıkany ózgeshe qalyptastyrýǵa múmkindik beretin ındýstrııalandyrý protsesin iske asyrýdy bastadyq. Alty jyl ishinde 1200 zaýyt pen fabrıka saldyq. Bul jumysty jalǵastyra beremiz, – dedi Nursultan Nazarbaev.

Sońynda Nursultan Nazarbaev jobaǵa qatysýshylardyń bárine rızashylyq bildirip, Qazaqstan jastaryn elimizdi odan ári damytý isine belsendi atsalysýǵa shaqyrdy.

 


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Семь граней Великой степи

Семь граней Великой степи