Президенттің көмекшісі – Қазақстан Республикасы Қауіпсіздік Кеңесінің хатшысы Нұрлан Ермекбаев пен әскери ведомстваның басшысы «Отар» 40-ншы әскери базасында Жауынгерлік парадты өткізуді ұйымдастыру және оған әскерлердің даярлығы мәселесі бойынша көшпелі кеңес өткізді.
Көшпелі кеңес барысында басшылыққа Жауынгерлік парадты өткізу ауданы көрсетіліп, басты идеясы нақтыланды. Кеңесте ұйымдастыру мәселелері талқыланып, оның қорытындысы бойынша басшылық министрліктерге, ведомствалар мен жергілікті атқарушы органдарға әрі қарай Жауынгерлік парадтың сапалы даярлығына қатысты нақты тапсырмалар берілді.