ҚР Қарулы Күштеріне - 25 жыл

Үздік мергендер іріктелуде

Үздік мергендер іріктелуде

40-шы әскери базада 2017 жылғы Армия халықаралық ойындарына қатысуға Қазақстан Қарулы Күштері Құрлық әскерлерінің құрама командасын іріктеу үшін «Мерген шебі» сайысы басталды

Жарысқа қатысу үшін «Оңтүстік», «Батыс», «Шығыс» өңірлік қолбасшылықтарының сегіз әскери бөлімі мен десанттық-шабуылдау әскерлерінен 22 мерген келді. Байрақты додаға қатысуға келмес бұрын әскери қызметшілер өңірлік қолбасшылықтардың әскери бөлімдерінде қатаң іріктеуден өтті. Сайыс екі кезеңде өтеді. 20 мамырда өтетін бірінші кезеңнің қорытындысы бойынша сайысқа қатысушылардың жалпы санынан 14 үздік мерген таңдалады. Оларға мамырдың 22-і мен 30-ы аралығында екінші кезеңнен өтуге тура келеді. Оның нәтижелері бойынша тек он мерген іріктелініп алынады. «Бүгінгі сайыс барысында біздің мақсатымыз Қазақстанның құрамасына нәтижелерді жақсарту үшін жоғары әлеуеті бар анағұрлым дайындалған мергендерді таңдау болып тұр», - дейді сайыстың бас төрешісі «Оңтүстік» өңірлік қолбасшылығы әскерлері қолбасшысының жауынгерлік даярлық жөніндегі орынбасары Сабыр Каюмов.

Алдағы сайыстарға барынша жақындатылған жағдайлар мергендерге алған машықтарын пысықтауға, сенімділік пен табандылық қасиеттеріне тәрбиелеуге септігін тигізіп, «Мерген шебі» халықаралық байқауына оларды моральдық-психологиялық тұрғыда дайындайды. Іріктелген он мерген осы жылғы тамыздың 1-і мен 10-ы аралығында 40-шы әскери базада өтетін «АрМИ-2017» сайысы шеңберінде «Мерген шебі» халықаралық байқауында Қазақстан Құрлық әскерлерінің намысын қорғайды. Байқау үш кезеңнен, яғни, әрқайсысы бес жаттығуды қамтитын, оның біреуі түнде өткізілетін «Жеке сынақ» пен «Жұп сынақ», сондай-ақ «Топтық сынақтан» тұрады. Осы кезеңдердің жаттығулар қатарында сынаққа оқ ату, қорғаныстағы мерген, шабылдау мен торуылда, мерген биатлоны, әуе нысанасы бойынша оқ ату, арнайы оқ ату, патрульдердің жарысы, сондай-ақ «тауып алып, жою» жаттығуы бар.

Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

Инфографика: минно-тральный корабль "Алатау"

Инфографика: минно-тральный корабль "Алатау"