Жаңа 2016-2017 оқу жылы басталысымен Қазақстан Республикасы Қорғаныс министрлігі ЖОО-лардың курсанттарына есептеуіш машиналары, жүйелер мен желілер саласындағы маман сынды жаңа оқыту курсы қолжетімді болмақ.
Жаңа мамандық қазақстандық жоғары оқу орындарда бірінші оқу курсынан кейінгі курсанттар үшін Минск қ. Белоруссия мемлекеттік информатика және радиоэлектроника университетінің базасында қолжетімді. Қазіргі кезде көрсетілген мамандық бойынша оқуға түсуге үміткерлерді іріктеу және құжаттарды жинау жүргізілуде. Осылайша, жақын арада Қазақстан Қарулы Күштерінің кадрлық ауқымы әскери қызметтің ерекшелігі ескеріле отырып, оқытылған IT-қызметкерлерінің жоғары білікті құрамымен толығады. Қазіргі уақытта жаңа технологиялар мен ақпараттық жүйелер ғасырында осындай профильдегі әскери мамандарды даярлау қорғаныс жүйелерін дамытуда шешуші бетбұрыс болмақ және мемлекеттің кибернетикалық қорғанысының негізіне айналмақ. Тар шеңберлі мамандық бойынша кәсіби даярлау бағдарламасы ағымдағы жылы ғана енгізілді және қазақстандық курсанттар оны зерделеуге мүмкіндік алған алғашқылардың бірі болды. Сонымен бірге, Қазақстанның әскери жоғары оқу орындары еліміздің Қарулы Күштері үшін сұранысқа ие негізгі әскери мамандықтар бойынша мамандарды дайындайтынын айта кеткен жөн. Анағұрлым тар шеңберлі профильдегі мамандықтарды оқу үшін бүгінде шетелдік әскери жоғары оқу орындары қолжетімді. Қазіргі сәтте шетелде ҚР ҚК-нің 300-ге жуық әскери қызметшісі тар шеңберлі профильдің 150-ге жуық мамандығында білім алуда. Олардың 200-ге жуығы ТМД елдерінде, шамамен 100-і Азия елдерінде және 30-ға жуығы Еуропа мен АҚШ-та.
