Жауынгерлік әзірлікке келтірілді

Жауынгерлік әзірлікке келтірілді

«Шығыс» өңірлік қолбасшылығы 44736 әскери бөлімінің жеке құрамы дабылмен көтеріліп, жауынгерлік әзірліктің жоғары деңгейіне келтірілді.      

Жауынгерлік әзірлік бойынша іс-шараның ерекшелігі сол, әскерді жауынгерлік әзірліктің жоғары деңгейіне келтірудің мәселелерін пысықтау. Жеке құрам оқу-жауынгерлік тапсырмасын алды. Бөлім қолбасшылығы негізгі қызметтерімен қоса, басты міндеттерді де орындады. Барлаушылар кәсіби дайындықтың деңгейін көрсетті. Бұл қысқа уақытта жан-жақты дайындықты сапалы жүзеге асыру қабілетін анықтауға мүмкіндік берді. Одан әрі қарай жеке құрам ҚР ҚК барлау бөлімдерінің «Алтын жебе» кешенді тексеруіне жол тартты. Ол «ҚР Қарулы Күштері барлау бөлімдерінің жауынгерлік әзірлік бағдарламасы», «ҚР ҚК құрылымдарының жауынгерлік әзірлік жөніндегі нормативтерінің жиынтығы», «ҚР ҚК арнайы мақсаттағы құрылымдар мен бөлімдердің жауынгерлік қолданысы бойынша нұсқаулық», «Ату курсы» негізінде жүзеге асырылады. Оның мақсаты – арнайы мақсаттағы барлау топтары жеке құрамының жауынгерлік әзірлік пәндері бойынша дайындық деңгейін, түнгі уақытта маршты жүзеге асыруда жергілікті мекенді бағдарлау қабілеттілігі мен төзімділігін, авиация мен артиллерияны дәлдеудегі алдыңғы шептегі авиациялық нысанашылар мен артиллериялық нысанаға оқты дәлдеп түзейтін зеңбірекшілердің ептілігін, күндіз және түнде таулы аймақта ату жаттығуларын орындау дәрежесін тексеріп, барлау құрылымдарының моральды-жауынгерлік қасиеттерін анықтау. Тексеріс барысында бөлімдер жауынгерлік әзірліктің жоғары деңгейіне келтіріледі. Сондай-ақ, артиллерияның отты дәлдеуі, оқу-жауынгерлік тапсырмалар орындау ауданына десант түсіріп, барлау жүргізу, қоян-қолтық ұрыс, әскери-медициналық даярлық, байланыс жөніндегі дайындық, миналық жару ісі, бір орында тұрып мерген винтовкасынан пайда болған нысананы көздеп ату, Калашников пулеметінен ату, үлкен қашықтыққа ату, таулы аймақта 15-25 метрге граната лақтыру, лақтыратын пышақ, жаяу әскердің кішкентай күрегі, балта секілді суық қаруды 5-10 метр қашықтыққа лақтыру міндеттері де орындалады.

   Айта кетейік, «Шығыс» өңірлік қолбасшылығы 44736 әскери бөлімінің жеке құрамы 2017 жылы ҚР ҚК барлау бөлімдері мен арнайы мақсаттағы бөлімдердің «Алтын жебе» кешенді тексеруінің қорытындысы бойынша екінші орынды иеленген болатын.

                                     

Алуа ИСКАКОВА

Суреттерді түсірген автор


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Семь граней Великой степи

Семь граней Великой степи