Қазақстан Республикасының Тұңғыш Президенті күніне орай Тараз қаласындағы Т.Рысқұлов саябағында Ауған соғысы ардагерлерінің қатысуымен «Ерлік сабағы» өтті.
Бұл шараға Жамбыл облысы қорғаныс істері жөніндегі департаментінің әскери қызметшілері, облыстық әкімдіктің жастар саясаты, ішкі саясат басқармалары, Жамбыл облыстық «Генералдар кеңесі» Республикалық қоғамдық бірлестігің төрағасы генерал-майор Абдыхапар Қазиев, облыстық Ауған соғысы ардагерлері және Қарулы Күштерінің ардагерлері қатысты.
Бұл шарада А.Қазиев Қазақстан Республикасының Тұңғыш Президенті – Елбасы Н.Ә.Назарбаевтың тәуелсіз Қазақстан мемлекетін құрудағы рөліне жан-жақты тоқталып өтті. Сондай-ақ, бұл тақырыпта және өздерінің әскери жолдары жайында подполковник Бауыржан Киргизбаев және отставкадағы подполковник Рамиль Тартыков та өз ойларын ортаға салды.
|
|
|
Гауhар Қосжанова
