Бүгін - әуе десант әскері құрылған күн. Осыған орай, ҚР Қарулы күштері Аэроұтқыр әскерінің Астанадағы 36-шы десанттық-шабуылдаушы бригадасы дәстүрлі «ашық есік» күнін өткізіп, өз өнерін паш етті.
Астанадағы 36-шы десанттық-шабуылдаушы бригадасы әскери дайындық шараларын көрсетті.Шараға келген халық парашютпен секіру, өткір заттарды лақтыру, ғимараттың кепілге алынған адамдарды босату, қоян-қолтық ұрыс жүргізу, сондай-ақ ұйымдасқан қылмыстық топтың көзін жою әрекеттерін тамашалады.
Айта кетейік, 1930 жылы Воронеж қаласының түбінде алғаш рет 12 сарбаз парашютпен секіріп, десант әскерінің негізін қалады. Ал бір жылдан кейін бірінші десанттық топ құрылды. 1991 жылдан бастап әскердің бұл түрі бөлек құрылым ретінде шығарылды.
