«Астана» өңірлік қолбасшылығы әскерлерінде өткен кезекті оқу-жаттығу далалық жағдайларда ғана емес, сонымен бірге қосымша қиындықтары бар таңсық таулы жерде өтетіндігімен ерекшеленді.
Күрделі тапсырмалардың бірі түнгі жауынгерлік іс-қимылдарды пысықтау болды, өйткені, шартты қарсылас қараңғылықты пайдаланып шабуыл жасауы мүмкін. Мұндай жағдайларда бөлімше командирлері жауынгерлердің өзара іс-қимылын сауатты басқаруы және ұйымдастыруы тиіс. Осыған байланысты, олардан жоғары кәсіби шеберлік қажет етіледі, ал жауынгерлік іс-қимылдарды сәтті өткізу батальон және дивизион командирлеріне байланысты.
Оқу-жаттығуларға «Астана» өңірлік қолбасшылығының барлық штаттық техникасы тартылды. Атап айтқанда, бронетранспортерлар, танктер, артиллериялық қондырғылар, оқ ату қару-жарағы. Одан басқа, майдандық және армиялық авиацияны қолдану жоспарлануда. Оқу-жаттығуды «Астана» өңірлік қолбасшылығының әскерлерінің қолбасшысының жауынгерлік дайындық бөлімшесінің орынбасары полконик Аскаров Юрий Минувалиевич басқарды.
Думан Құрманғалиев
