Ресей әскері Сирияда «Ирак пен Левант лаңкестік тобы» бекінген орындарға әуеден жойқын соққы берді.
Бұл туралы Ресей Федерациясының Қорғаныс министрлігі хабарлайды. Солтүстік Осетиядан ұшып шыққан 6 әскери ұшақ бомбаларды Пальмира қаласына жақын орналасқан екі елді мекенге тастаған. Соның салдарынан содырлардың басқару бекеті мен ірі дала лагері жермен жексен болды. Сондай-ақ қару-жарақ сақтайтын қойма мен бірқатар техника да талқандалған. Операция аяқталғаннан кейін әуе кемелері ұшып шыққан аэродромына қайта оралды.
