Нью-Йорк қаласындағы БҰҰ штаб-пәтерінде Қазақстан қорғаныс ведомствосының өкілдері жеңіл атыс қаруы мен бітімгершілік операциялар бойынша БҰҰ Қауіпсіздік Кеңесінің отырыстарына қатысты.
Сапар барысында Қазақстан Республикасы Қорғаныс министрлігінің делегациясы бейбітшілікті ұстап тұру (БҰОД) және далалық қолдау (ДҚД) жөніндегі операциялар департаменттерінің өкілдерімен, сондай-ақ серіктес елдермен кездесулер өткізіп, Қазақстан Қарулы Күштері бітімгершілік қызметінің ағымдағы аспектілерін талқылады.