23-27 тамыз күндері Беларусьте өтетін «Мызғымас бауырластық-2016» оқуларына ҰҚШҰ елдерінің әскери қызметкерлері қатысады, деп хабарлайды БЕЛТА.
«Бұл жоспарлы, бесінші рет өткелі отырған ҰҚШҰ бітімгерлік жаттығуы Барановичи ауданындағы Обуз-Лесновск әскери полигонында өтеді. Оқулардың ресми тақырыбы - «ҰҚШҰ Ұжымдық бітімгерлік күштердің (ҰБК) бейбітшілікті қолдау бойынша операцияларды жүргізу және оған дайындау». Алайда, оқулардың түпкі ойы үйреншікті қалыптан шығып, пайдалы жаңа дүниелерді іске асырып көруді көздейді», - деп атап өтті ҰҚШҰ баспасөз-хатшысы Владимир Зайнетдинов.
Алғаш рет ҰҚШҰ ҰБК БҰҰ Қауіпсіздік Кеңесінің мандатын алады және дағдарыс аймағында БҰҰ миссиясымен ынтымақтастықта жұмыс істейтін болады. ҰҚШҰ-ның бітімгершілік ресурстарды жетілдіруге бағытталған мақсатты жұмысы өзге де халықаралық ұйымдардың назарынан тыс қалмайды. Оқуларға БҰҰ Хатшылығы мен халықаралық Қызыл Крест комитетінің өкілдері шақырылған.
Жаттығуға ҰҚШҰ-ға мүше барлық алты мемлекеттен (Армения, Беларусь, Қырғызстан, Қазақстан, Ресей, Тәжікстан) қарулы күштер, ішкі әскер құрамынан мыңнан астам офицерлер, бітімгер сарбаздар, полиция өкілдері, 500 бірліктен астам авиациялық, бронетанк, автомобиль техникасы қатысады.