Менің әкем Теміртай Кеңес Одағы тұсында әскери қызметкер болған. Алдымен қатардағы жауынгер болып Украинада Отан алдындағы міндетін атқарған. Содан соң сонда қалып, әскери қызметке орналасыпты. Біраз жылдар Сібір әскери округінде де еңбек еткен.
Мен бала кезінде әкем арқылы әскердің тыныс-тіршілігіне әбден қанықтым. Соның әсері болса керек ер жеткенде арман қуып Алматыдағы әскери училищеге оқуға түсуге бардым. Тәубә, ол жолы тауым шағылған жоқ. Аталмыш білім ошағын 2000 жылы тәмамдап, одан соң әскери қызметті бастап кеттім. Қапшағайдағы, Қарағандыдағы әскери бөлімдерде қызмет еттім. Бұл еңбек жолымдағы бір белесім болса, білім жолындағы бірегей белесім ретінде Ұлттық Қорғаныс университетінің түлегі атануым дер едім.
Евгений Салқынбаев
