Қазақстан Республикасы Қорғаныс министрлігі Армия орталық спорт клубының 10 спортшысы Рио-де-Жанейродағы Олимпиадалық ойындарға аттанады. Қазақстанның құрамасы құрамында олар еліміздің намысын басты әлемдік сайыстарда қорғайтын болады.
Олимпиадалық жолдама иегерлерінің қатарында қазақстандық жеңіл атлетші капитан Ольга Рыпакова, жеңіл атлетші қатардағы жауынгер Михаил Красилов, былғары қолғап шеберлері аға сержант Біржан Жақыпов, ефрейтор Қайрат Ерәлиев пен ҚР ҚК-нің қызметкері Жәнібек Әлімханұлы, ҚР ҚМ АОСК-ның спортшысы Юрий Юрков, 3-сыныпты сержант Евгений Алексеев, кіші сержант Ғалымжан Үсербаев, ҚР ҚК-нің қызметкері Елена Потапенко және Қазақстанның Туын ұстаушы ефрейтор Руслан Жапаров бар. Қазіргі таңда спортшылардың соңғы жаттықтыру жиыны өтуде. Олар тамыздың 1-інен бастап олимпиадалық қалашыққа жөнеле бастайды.
