Қытайда бокстан Рио олимпиадасына Азия және мұхиттық аймақтан іріктеу аяқталды. Сөйтіп, әуесқой бокстан Қазақстан құрамасы өз тарихында тұңғыш рет Олимпиада ойындарына тарихи он жолдамаға ие болды. Демек, Рио-де-Жанейродағы Олимпиадада әр салмақ дәрежесінде бір қазақстандық боксшыдан өнер көрсетеді. Сонымен...
Олимпиада ойындарына толық он лизенция алған қазақстандық боксшылардың тізімі мынадай:
49 келі: Біржан ЖАҚЫПОВ
52 келі: Олжас СӘТТІБАЕВ
56 келі: Қайрат ЕРАЛИЕВ
60 келі: Берік ӘБДІРАХМАНОВ
64 келі: Абылайхан ЖҮСІПОВ
69 келі: Данияр ЕЛЕУСІНОВ (команда капитаны)
75 келі: Жәнібек ӘЛІМХАНҰЛЫ
81 келі: Әділбек НИЯЗЫМБЕТОВ
91 келі: Василий ЛЕВИТ
+ 91 келі: Иван ДЫЧКО
Айта кетерлік қызықты деректер:
· Әзірге олимпиадаға ерлер арасында толық жолдама алған Қазақстан, Өзбекстан және Куба құрамасы.
· Қытайда Өзбекстан мен Қазақстан жетпей тұрған алты жолдамасын да иеленді.
· Біржан Жақып, Данияр Елеусінов, Әділбек Ниязымбетов, Иван Дычко екінші рет олимпиадаға барады
· Абылайхан Жүсіпов, Олжас Сәттібаев, Қайрат Ералиев, Василий Левит, Жәнібек Әлімханұлы, Берік Әбдірахманов алғаш рет олимпиадаға қатысады.
· Нанкин олимпиадасында алтын алған боксшылар арасында қазақ Абылайхан Жүсіпов пен өзбек Бектемір Меликузев Риоға барады.
