Қостанайда жылдам шахматтан өткен турнирдің жеңімпазы анықталды. Облыстың барлық аудан-қаласынан қатысқан спортшылардың ішінде әскери қызметшіге бас жүлде бұйырды.
Жарыс нәтижесіне келсек, жылдам шахматтан өткен Қостанай облысы әкімінің кубогы Данияр Медібаевқа бұйырды. 10,5 ұпай еншілеген шахматшыға 200 мың теңге берілді. Турнир жеңімпазы ҚР Қорғаныс министрлігінде қарасты мекемеде жұмыс істейді. Екінші орында – Петр Костенко. Костенко үстіміздегі жылы Азия чемпионатында «қола» медаль иеленген еді. Ал үздік үштікті Руслан Салимов қорытындылады. Ол Шыңғысхан Саржановтан басым түсті. Соңғысы классикалық шахматтан облыс чемпионы атанған еді.