Катарда және Бангкокта өткен чемпионаттарда біздің спортшыларымыз жеңіс тұғырынан көрініп, ел абыройын асырды.
Катарда жабық кешенде өткен Азия біріншілігіне үкілеп қосқан Ольга Рыпаковадан қазақстандықтар үлкен үміт күткен-ді. Ақыры, ол үміт ақталып,
ҚР ҚМ Орталық армия спорт клубының капитаны, жеңіл атлетші Ольга Рыпакова Азия чемпионы атанды. Ол соңғы мүмкіндікте 14,32 м ұзындыққа секірді. Бұл – Азия біріншілігінің жаңа рекорды.
Ал, екінші спортшымыз – ҚР Қорғаныс министрлігі Армия орталық спорт клубының спортшысы, халықаралық дәрежедегі спорт шебері, ҚР Қарулы Күштерінің қызметкері Дәулет Ниязбеков. Ол еркін күрестен сайысуда шешуші белдесуде 10:0 есебімен Иран спортшысы Бехнам Еxсанпурды ойсырата жеңді. Сөйтіп, 61 келіге дейінгі салмақта еркін күрестен Азия чемпионы атанды. Осымен, армия сорптшысы Дәулет Ниязбеков Азия чемпионы болып екінші мәрте атанып отыр.
