Қазақстан Республикасының Тұңғыш Президенті – Елбасы атындағы Ұлттық қорғаныс универсиетінде Қарулы Күштерінің бас сержанты – Қазақстан Республикасы Қарулы Күштері Бас штабы Сержанттар құрамымен жұмыс басқармасының бастығы шебер-сержант Темірбек Халықов Америка Құрама Штаттары Қарулы Күштері АРЦЕНТ Құрлық әскерлері Орталық қолбасшылығының сержант-майоры Эрик Достимен кездесті.
Кездесу барысында тараптар 2018 жылға арналған ҚР ҚК сержанттар корпусын әрі қарай дамыту бағыттары мен ағымдағы ынтымақтастық мәселелерін талқылады. Одан басқа, кездесуде медициналық қызмет сержанттарын дайындауға, нұсқаушы сержанттарды дайындаудың пилоттық базалық курсын өткізу, АҚШ-тың Аризона штатының Ұлттық ұланында жоспарланатын конференция тәртібін талқылауға ерекше назар аударылды.
