Мемлекет басышысы Н.Назарбаев 2018 жылы 5-ші қа¬зан¬дағы Жолдауында «Жас сарбаз» балалар-жасөспірімдер бірлестігін құруды және мектептерде әскери-патриоттық тәр¬бие берудің рөлін күшейтуді тап¬сырған болатын.
Соның негізінде қолға
алынып, жұмысын бастап кеткен «Жас сарбаз» балалар-жасөспірімдер қозғалысына
бүгінде Мейірбек Меңдіғалиев төрағалық етеді. Ол «Жастар жылының» ашылу
салтанатында сөйлеген сөзінде былтырғы қарашада «Отан. Елбасы. Жас сарбаз» іс-шарасындағы
кездесуде берген тапсырма бойынша 1 айдың ішінде еліміздің барлық өңірінде «Жас
сарбаз» қозғалысының филиалдары ашылғанын айтты. «Бүгінде
әскери-патриоттық клубтар мен сыныптардың саны 2884-ке жетті. Олар 74602 жасөспірімді
қамтып отыр. Терең тарихын білетін, бүгінін бағалайтын,
тәуелсіздікті көзінің қарашығындай қорғайтын ұлағатты жас ұландарды тәрбиелеу
– «Жас сарбаз» қозғалысының басты мақсаты. Елдік мүддені, биік мақсатты
көздеген қозғалыс төрағасы Қарулы Күштердің Жоғарғы Бас қолбасшысы Н.Назарбаевты
маусым айында өтетін «Айбын» әскери-патриоттық республикалық жиынына
шақырды.
