Қазақстанның қорғаныс ведомство басшысы Нұрлан Ермекбаев Гвардейск гарнизонының құрамалары мен бөлімдерін тексеріп, оқу дабылы бойынша танк бригадасын көтерді.
Тексеру барысында Қорғаныс министрі дабыл бойынша жеке құрамның практикалық іс-қимылдарын бақылады. Белгіленген аудандарға жауынгерлік техниканың уақтылы шығуына, сондай-ақ қамтамасыз ету бөлімшелерімен жауынгерлік бөлімшелердің іс-қимылдарының үйлесімділігіне ерекше назар аударылды. Қорғаныс ведомствосының басшысы дабыл бойынша өткізілетін іс-шаралар, қойылған тапсырмаларды орындау кезінде бағынысты бөлімшелердің мүмкіндіктері мен жауынгерлік әзірлікті арттыру бойынша бөлім қолбасшылығымен қабылданатын шаралар туралы бригада командирінің баяндамасын тыңдады. Сондай-ақ, жеке құрам техника мен қару-жарақты жауынгерлік қалыпқа көшіру, оқ-дәрілерді тиеу, жауынгерлік машиналарға жауынгерлік жиынтықты төсеу жөніндегі нормативтердің орындалуын паш етті.
Қорғаныс министрі әскери бөлімдердің инфрақұрылым объектілерін, полигондардың оқу-материалдық базасын, әскери қалашықты, гарнизонның әлеуметтік және мәдени-тынығу мекемелерін тексеріп шықты. Тексеріс нәтижелері бойынша қорғаныс ведомствосының басшысы жауынгерлік даярлықты одан әрі жетілдіру, сондай-ақ Қарулы Күштерде Елбасының «Қазақстандықтардың әл-ауқатының өсуі: табыс пен өмір сапасын арттыру» атты Жолдауын іске асыру аясында әскери қызметшілер мен олардың отбасы мүшелерінің әлеуметтік-тұрмыстық жағдайларын жақсарту жөнінде бірқатар тапсырмалар жүктеді
