Қазақстан Республикасының Қорғаныс министрлігінде қорғаныс ведомствосының басшысы Нұрлан Ермекбаевтің Қытай Халық Республикасы Орталық әскери кеңесі төрағасының орынбасарымен кездесуі өтті.
Келіссөз барысында тараптар екіжақты әскери және әскери-техникалық ынтымақтастық мәселелерін талқылап, сондай-ақ өңірдегі қауіпсіздік саласындағы ахуал бойынша пікір алмасты. Сондай-ақ Астанада Қытайдың әскери делегациясы ҚР Тұңғыш Президенті – Елбасы атындағы Ұлттық қорғаныс университетіне барып, университеттің оқу-әдістемелік және материалдық базасымен танысты. Сондай-ақ шетелдік меймандар үшін ҚР ҚК Ұлттық әскери-патриоттық орталығының Әскери-тарихи мұражайына экскурсия ұйымдастырылды. Бүгінгі күні екі мемлекеттің көшбасшыларының көңіл бөлулерінің арқасында Қазақстан мен Қытай қорғаныс ведомстволары арасындағы қарым-қатынас сенімді және ілгерілемелі бағытта дамып келе жатқанын айта кетейік.
