Екі жарым ай бойы Қазақстан Қарулы Күштерінің бітімгершілік ротасы Ливандағы БҰҰ-ның уақытша күштері құрамында БҰҰ-ның мандатына сәйкес бітімгершілік қызмет бойынша міндеттерді сәтті орындауда.
2018 жылдың қазанында қазақстандық бітімгершілік полкі құрама бітімгершілік ротасының 120 әскери қызметшісі «Индбат» үнді батальоны құрамында «Ливандағы БҰҰ-ның уақытша күштері» миссиясына қатысу үшін Ливан Республикасына жіберілді. БҰҰ-ның мандатына сәйкес қазақстандық бітімгершілік бөлімше Ливанда жергілікті жерді патрульдеу, бақылау бекеттерін ұйымдастыру, атыстың тоқатылуының сақталуын бақылау жөніндегі функцияларды орындайды, сондай-ақ миссия штабы өткізетін барлық іс-шараларға, оның ішінде, азаматтық халыққа көмек көрсету, әскери-азаматтық қарым-қатынасты нығайтуға қатысады. Қазіргі уақытта Іле полигонында құрылған екінші рота бітімгершілік дайындықтан өтіп жатқанын айта кету қажет. Сабақтарды бітімгершілік қызметте тәжірибелері бар бітімгершілік дайындық бойынша мамандар, офицерлер мен сержанттар өткізуде.