Қазақстандық әскери делегация әскери ведомство басшысының жетекшілік етуімен Ресей Федерациясының Қорғаныс министрлігі ұйымдастырған халықаралық қауіпсіздік жөніндегі VII Мәскеу конференциясының жұмысына қатысты.
Ауқымды форумның негізгі тақырыптары лаңкестікпен күресудің өзекті мәселелері, Еуропа, Таяу Шығыстағы қауіпсіздік проблемалары, Азия Тынық мұхиты өңірі мен Орталық Азиядағы ахуал болды. «Бүгінде лаңкестік және экстремизммен күресу дәйекті түрде халықаралық күн тәртібінің негізгі тармағына айналды. Қазақстан Республикасы әлемдік қоғамдастықты дамытудың міндетті түрдегі шартын қамтитын ұғымды, яғни, қауіпсіздік пен кіріктендірудің өзара байланыстық қағидатын ұстанады. Өзге мемлекеттермен қатар Қазақстан Сириядағы қақтығысты ретке келтіруге белсене атсалысады. Әртүрлі пішімдегі келіссөз процестері, оның ішінде, Астаналық процесс сириялық шиеленісті бейбіт түрде ретке келтіру үшін жағдайды қамтамасыз еткен елеулі уағадаластыққа қол жеткізуге әкеп соқтырды», - деп атап өтті өзінің сөз сөйлеуі барысында ҚР Қорғаныс министрі. Конференция аясында пленарлық отырыстарда сондай-ақ бірнеше елдердің қорғаныс министрлері, танымал саяси және қоғам қайраткерлері сөз сөйледі. Бүгінгі таңда форум бірізді түрде халықаралық қауіпсіздіктің анағұрлым көкейкесті мәселелерін талқылау үшін белді алаң ретіндегі рөлін нығайтып келе жатқанын айта кету қажет. Іс-шара аясында Қазақстан Республикасы мен Ресей Федерациясы Қорғаныс министрлігі басшылығының кездесуі өтті. Онда қорғаныс саласындағы екі елдің өзара іс-қимыл мәселелері талқыланды.
