Астанада елорданы әсемдеу, көгалдандыру және тазалау жөнінде іс-шаралар өткізіліп, оған ҚР Қарулы Күштерінен 4000-нан астам әскери қызметші мен азаматтық персонал қатысты.
Қоршаған ортаны әсемдеу, көгалдандыру және тазалау іс-шарасына ҚР Қорғаныс министрлігінің Орталық аппаратына қарайтын департаменттердің және басқармалардың, Астана қаласының маңында орналасқан құрылымдық бөлімшелердің, ҚР ҚК әскери бөлімдерінің, ҚР ҚК ҚӘ, ҚР ҚК ӘҚК, ҚР ҚК ӘТК бас қолбасшылығы басқармаларының әскери қызметшілері мен қызметкерлері , «Жас ұлан» республикалық мектебінің тәрбиеленушілері, әскери полицияның, бас әскери медициналық басқарманың, Елбасы – Тұңғыш Президент атындағы Ұлттық қорғаныс университетінің әскери қызметшілері шықты. Іс-шара барысында елорда жанындағы аумақты әсемдеу, көгалдандыру және тазалау басты назарда болды.