Өскеменде Ресей мен Қазақстанның ішкі істер министрліктерінің біріктірілген алқасының отырысы өтті.
Алқа күн тәртібі - екі мемлекеттің экстремизмге қарсы іс-қимылындағы өзара іс-әрекет мәселелерін талқылау. Алқа жұмысына екі мемлекеттің ішкі істер министрлері Қалмұханбет Қасымов пен Владимир Колокольцев, олардың орынбасарлары, ішкі істер шекара органдары қызметтері мен бөлімшелерінің басшылары қатысуда.
Тараптар өткен жылы Астраханда өткен алғашқы біріктірілген алқаны іске асыру барысын талқылады, ол кезде шешімге және 2016 жылға арналған экстремизммен күрес саласындағы алқаның бірлескен жоспарына қол қойылды.
Қ. Қасымов қылмыспен күрес жөніндегі екі ел ведомстволары арасындағы өзара іс-қимыл сапалы жаңа деңгейге өткенін атап өтті.
Делегация басшылары жоспардың іске асуына жоғары баға берді. Оның арқасында қылмысқа алдын ала тергеу жүргізген кездегі шекара ынтымақтастығы жандандырылды.
Қазақстандық және ресейлік құқық қорғаушылар кездесуде экстремизмге қарсы іс-әрекет мәселелерін талқылап, террорлық және экстремистік сипаттағы қылмысқа қатысты адамдар мен іздеудегілер туралы ақпарат алмасуды жандандыру жолдары белгіленді.
