Ақтаудағы саммит барысында Каспий теңізіндегі қақтығыстарға жол бермеу туралы келісімге қол қойылды.
Яғни, Ақтауда қорғаныс ведомствосының басшысы Нұрлан Ермекбаев Каспий теңізі маңындағы елдер басшылары саммитінің жұмысына қатысты. Саммитті өткізу аясында қатысушылар Каспий теңізіндегі қақтығыстарға жол бермеу туралы келісімге қол қойды. Оның негізгі мақсаты Каспий теңізі маңындағы мемлекеттер арасында Каспий теңізінде корабльдердің жүзуі мен әуе кемелерінің ұшулары қауіпсіздігін қамтамасыз ету болып табылады. Қазақстандық тарап жағынан құжатқа ҚР Қорғаныс министрі Н.Ермекбаев қол қойды. Келісім Каспий теңізінде, аумақтық сулар мен оның үстіндегі әуе кеңістігінен тысқары жерлерде әрекет ететін тараптардың әскери корабльдері мен әуе кемелеріне қолданылады. Одан басқа, саммит алаңында ҚР Қорғаныс министрі Н. Ермекбаев Каспий маңындағы мемлекеттер қорғаныс ведомстволарының басшыларымен бірқатар кездесулер өткізді.
