Қазақстанның әскери делегациясы «АРМИЯ – 2018» халықаралық әскери-техникалық форумына барды. Яғни, Қорғаныс министрінің орынбасары генерал-лейтенант Талғат Жанжүменов бастаған әскери делегация Ресей Федерациясының аумағында «Патриот» конгресс-көрме орталығында өткізілген «АРМИЯ – 2018» халықаралық әскери-техникалық форумына қатысты.
«АРМИЯ» халықаралық әскери-техникалық форумы – бұл арнайы экспозицияларды, яғни, халықаралық «Зияткерлік өнеркәсіп технологиялары 2018» және форумның «Инновациялық клуб» форумының арнайы жобасын қамтиды. Оның шеңберінде экспозициялық, демонстрациялық және ғылыми-іскерлік бағдарламалар қарастырылған. Іс-шараға статикалық және динамикалық көрсетілімдерде 2000-нан аса экспонатты паш ететін 1000-нан аса ресейлік және шетелдік қорғаныс кәсіпорындары мен ұйымдары қатысады. Одан басқа, аталмыш форумда қазақстандық қорғаныс-өнеркәсібі кешенінің кәсіпорындары шығаратын өнім кеңінен ұсынылды.