«Астана» өңірлік қолбасшылығы әскерлері қолбасшысының жетекшілік етуімен Солтүстік Қазақстан облысының аумақтық қорғаныс бригадасымен командалық-штабтық жұмылдыру оқу-жаттығуы өткізілуде.
Командалық-штабтық жұмылдыру оқу-жаттығуының басты оқу міндеттері жауынгерлік әзірліктің жоғары дәрежесіне келтіру кезінде аумақтық қорғаныс бригадасының жауынгерлік және жұмылдыру әзірлігі, Солтүстік Қазақстан облысында төтенше жағдайдың салдарын жою кезінде бригаданы басқарудағы үйлесімділіктің жай-күйін тексеру болып табылады. Оқу-жаттығу барысында бригада бөлімшелері командирлерінің міндеттерді іс жүзінде пысықтау, оқу-жаттығудың кезеңдері бойынша жағдайды өрістету, көктемгі кезеңде төтенше жағдайлардың салдарын жоюға тартылатын басқару органдары мен бөлімшелер арасындағы өзара іс-қимылды ұйымдастыру жоспарланды. Аталмыш оқу-жаттығу республикалық командалық-штабтық оқу-жаттығуларға қатысу үшін аумақтық қорғаныс бригадасын дайындау мақсатында жоспарланды. Аумақтық қорғаныс бригадасының маңызды міндеті елді мекендерді, маңызды нысандар мен коммуникацияларды, сондай-ақ жергілікті халықты күзету мен қорғау болып табылатынын айта кету қажет.
