Астанада Отан қорғаушы күніне арналып қоғамдық көлікте музыкалық флешмоб өтті.
Флешмоб кезінде
Қазақстанның Қарулы күштері Ұлттық әскери-патриоттық орталығының әртістері
жолаушылармен бірге патриоттық және әскери әндерді шырқады. «Мен 51
автобуста ерекше акцияның куәгері болдым. Жоба Қорғаныс министрлігінің Отан
қорғаушы күніне және Жеңіс күніне арналған екен. Әскери ансамбльдің әртістері ән айтып,
халықтың көңілін бір көтеріп тастады. Осындай күтпеген акция үшін үлкен
рахмет», - деді өз қуанышымен бөліскен Астана тұрғыны. Осындай шаралар «Хан Шатыр» сауда ойын-сауық
орталығында да өтті. Осылайша Ұлттық әскери-патриоттық орталықтың әскери
ансамблінің әртістері Астана қаласы тұрғындары мен қонақтарына мерекелік көңіл
күй сыйлады.
