Ұлттық әскери-патриоттық орталықтың Әскери-тарихи музейінде саяси қуғын-сүргін құрбандарын еске алу құрметіне орай «Ғасырларға созылған қасірет» жылжымалы көрмесінің ашылуы өтті.
Көрме мәңгі есте сақтау, жас ұрпақтың бойында патриоттық рухты ояту мақсатында «АЛЖИР» саяси қуғын-сүргін мен тоталитаризм құрбандарының мемориалдық музей кешенімен бірлесе ұйымдастырылды. Көрмеде қуғын-сүргін құрбандарының ұрпақтары және «Ұрпақтар ұмытпайды» халықаралық жобасының қатысушылары мен «АЛЖИР» тұтқындарының мұражай қорына берген фотосуреттер мен мұрағаттық құжаттары ұсынылды. Елорда тұрғындары мен қонақтары жылжымалы көрмені күн сайын бір ай бойы 09.00-ден бастап 18.00-ге дейін Нұр-Сұлтан қ. Республика даңғылы 2, мекенжайы бойынша орналасқан Ұлттық әскери-патриоттық орталықтың Әскери-тарихи музейінде тамашалай алады. Кіру – тегін.