Еліміздің Қарулы Күштері барда, «Сарбаз» бар

Еліміздің Қарулы Күштері барда, «Сарбаз» бар


Әскери саланың мамандарының айнымас серігіне, рухани сырласына айналған «Сарбаз» газетін қазақстандық әскери баспасөздің нағыз бетпердесі деуіміз керек. Өйткені, бізде бұдан өзге әскери басылым жоқтың қасы. Бар болғанның өзінде, кейінгі жылдары ғана жарық көре бастады немесе тұралап қалды. Ал «Сарбаз» газетінің тоқсан жылдық тарихы бар. Әлі де жасай беретініне, қазақстандық қорғаныс саласының үні мен көзі болып ғасырлар бойы жарияланатынына сенімім зор. Еліміздің Қарулы Күштері барда, «Сарбаз» бар.

Әскери саланың маманы болғандықтан, саладағы түрлі жаңалықтарға құлағымды түріп жүретінім рас. Осыдан үш жыл бұрын басылымның басшылығына келген жас редактор Батырхан Қуатбек газет тарихына зор құлшыныспен зерделеу жұмыстарын жүргізгенін білеміз. Тіпті, сонау Мәскеуге дейін барып, «Сарбаз» әскери-патриоттық газетінің кешегісі «Жауынгерлік ту» және «Қызыл әскер» газеттерімен жалғасып жатқанын дәлелдеуге мүмкіндік беретін құжаттарға қол жеткізді. Бұл оның қызметіндегі және әскери баспасөз бағытындағы айрықша еңбегінің жемісі деп бағалар едім.

1992 жылдың 16 желтоқсаны да менің күні кешегідей көз алдымда. Біз армиямыздың іргесін қалап, осы жолда тер төгіп жүргенімізде, әрбір ісімізді оқырманға жеткізуді, еліміздің қорғаныс саласының жұмысын насихаттауды көздеген «Сарбаз» газетінің бірнеше жылға созылған үзілістен кейінгі жаңа нөмірі жарық көрді. Әлбетте, қуандық, сәттілік тіледік.

         Қазір де көңілімізде тілеулестік, ниеттестік сезім бар. Шағын ғана ұжымның қаламына қуат берсін деген пейілдеміз. Өзіміздің «Сарбаз» газетіміз ұзақ жасасын, ғұмыры ғасырларға жалғассын!

Генерал-майор Қайдар Қарақұлов, «Оңтүстік» өңірлік қолбасшылығы әскерлерінің қолбасшысы

 


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Семь граней Великой степи

Семь граней Великой степи