А.ж. 15 маусымда ҚР Қорғаныс министрінің қатысуымен Қазақстан Республикасы Парламенті Палаталарының кеңейтілген отырысы өтті.
Отырыстың күн тәртібінде БҰҰ-ның 5 миссиясына қатысатын 40 адамға дейін әскери бақылаушылар мен штабтық офицерлердің санын ұлғайту жөнінде мәселе қаралды. Одан басқа, бітімгершілік ротаны үнді контингенті құрамында «Ливандағы БҰҰ-ның уақытша күштері» миссиясына жолдау жөнінде шешім қабылданды. Миссияны құру мақсаты Ливанның оңтүстігінен Израиль мемлекетінің әскерлерін шығаруды растау, еліміздің барлық оңтүстік аудандарында өрістетуде Ливан үкіметіне көмек көрсету, сондай-ақ азаматтық халыққа ізгілік қолжетімділікті және алмастырылған адамдардың қауіпсіз оралуын қамтамасыз ету болып табылады. Ливандағы БҰҰ-ның уақытша күштері (UNIFIL - ЮНИФИЛ) 1978 жылы БҰҰ Қауіпсіздік Кеңесінің бұрыштамаларымен бекітілгенін және БҰҰ-ның анағұрлым ұзақ бітімгершілік операцияларының бірі болып табылатынын естеріңізге сала кетейік.