Қорғаныс министрінің бірінші орынбасары – ҚР Қарулы Күштері Бас штабының бастығы генерал-лейтенант Мұрат Майкеев бастаған
комиссия жаңа оқу кезеңіне Алматы, Қапшағай және Гвардиялық гарнизондардың құрамалары мен бөлімдерінің дайындығын тексерді.
Жұмыс сапары барысында комиссия құрамалар мен әскери бөлімдердің оқу-материалдық базасының жай-күйін, қару-жарақ пен әскери техниканы жазғы режимге ауыстыру сапасын, қару-жарақ пен әскери техниканы, байланыс пен өрт қауіпсіздігін сақтау шарттарын тексерді.
Сонымен қатар, Қазақстан Республикасы Қарулы Күштері Бас штабының бастығы әскерлердің жауынгерлік дайындығын арттырудың нақты бағыттарын анықтады.