Десанттық-шабуылдау әскерлері әскери бөлімдері мен басқармасының жеке құрамы Көкжиек ықшам ауданында жаппай өрттен зардап шеккендерге жәрдем беруге білек сыбана кірісті.
Әскери қызметшілер отбасылардың неге мұқжат екендерін анықтап, волонтерлар және үйлері өртке оранған адамдармен байланысып, бір тәулік ішінде қажетті көмек көрсетті. Алапат өрттен зардап шеккендерге әскери қызметшілер ұзақ сақталатын азық-түлік пен қажетті тұрмыстық-шаруашылық заттар әкеліп берді. Бұдан бұрын хабарланғандай, Көкжиек мөлтек ауданында өрт 5 сәуірде орын алды. Естеріңізге сала кетсек, өткен жылдын жазында дәл осы шағын ауданда ефрейтор Ғалымжан Әлиуханов (қазіргі кезде кіші сержант) өртке оранған пәтердің ішінен екі баланы алып шығып, оларды ажал аузынан құтқарып қалды.